Fransada polis və nümayişçilər arasında qarşıdurma olub
Paris, 9 fevral, AZƏRTAC
Fransada “Sarı jiletlər” etiraz aksiyasının 13-cü aktında polis və nümayişçilər arasında ciddi qarşıdurma olub.
AZƏRTAC xəbər verir ki, Parisdə Milli Assambleyanın qarşısında polislə qarşıdurma zamanı nümayişçilər dağıdılsa da, onlar yenidən Yelisey çölləri prospektinə gəliblər.
Ölkə üzrə etiraz aksiyalarında da polislə ciddi qarşıdurma qeydə alınıb. Polis nümayişçilərə qarşı gözyaşardıcı qaz və su şırnağından istifadə edib. Bordo, Lion və digər şəhərlərdə polislə qarşıdurma davam edir.
Axşam saat 17:00-a qədər polis tərəfindən 17 nəfər saxlanılıb. Ölkə üzrə nümayişçilərin sayının günorta saatlarında 12 mindən çox olduğu bildirilir.
Bölmənin digər xəbərləri
