Fransanın Azərbaycandakı səfiri Bakı Dövlət Universitetində olmuşdur
Bakı, 23 noyabr (AZƏRTAC). Fransanın Azərbaycandakı səfiri Paskal Mönye Bakı Dövlət Universitetində olmuşdur.
Bakı Dövlət Universiteti (BDU) mətbuat və informasiya şöbəsindən AZƏRTAC-a bildirmişlər ki, görüşdə BDU-nun rektoru, Milli Məclisin deputatı, akademik Abel Məhərrəmov rəhbərlik etdiyi ali məktəbin fəaliyyəti, beynəlxalq əlaqələri barədə məlumat vermiş, Fransa universitetləri ilə əməkdaşlıqdan bəhs etmişdir.
Görüşdən məmnun qaldığını bildirən səfir Paskal Mönye müvafiq sahədə əməkdaşlığın genişləndirilməsində maraqlı olduğunu diqqətə çatdırmış, tələbə-müəllim mübadiləsinin əhəmiyyətini vurğulamışdır.
Sonra P.Mönyenin müəllim və tələbələr üçün “Şərq Tərəfdaşlığı” proqramı ilə bağlı təqdimatı olmuşdur.
Bölmənin digər xəbərləri
