Fransanın “DNA” qəzetində Azərbaycanla bağlı məqalə dərc olunub
Paris, 2 iyul, AZƏRTAC
Fransanın Elzas regionunun “DNA” qəzetində “Qafqazın gənc respublikası 100 illiyini qeyd edir” adlı məqalə dərc olunub.
Müəllif Jerar Kardon Avropa və Asiya arasında körpü rolunu oynayan ölkəmizdə hökm sürən sabitlikdən, təbii sərvətlərindən, onların rasional şəkildə ölkəmizin sənaye və texnoloji infrastrukturunun inkişafına sərf edilməsindən yazıb.
Azərbaycan və İsrail arasındakı ikitərəfli əlaqələrdən bəhs edib, dini tolerantlıqdan, müxtəlif etnik qrupların və dinlərin nümayəndələrinin ölkəmizdə mehriban ailə kimi birgə yaşamasına toxunub.
Azərbaycan dünyəviliyindən, bir çox Avropa ölkələrindən əvvəl qadınlara səsvermə hüququ verilməsindən danışıb. Azərbaycan ərazilərinin işğalından söz açıb.
Müəllif Fransanın Elzas regionu ilə ölkəmizin eyni tale yaşamasından söz açaraq onları müqayisə edib.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
