Futbol İdarəçiliyi Təlim Proqramına start verilmişdir
Bakı, 10 may (AZƏRTAC). Mayın 10-da AFFA və Liverpul Universitetinin əməkdaşlığı çərçivəsində Futbol İdarəçiliyi Təlim Proqramının giriş mərhələsinə start verilmişdir.
AZƏRTAC xəbər verir ki, mayın 13-dək davam edəcək tədbirdə AFFA-nın, “Neftçi”, “Qəbələ”, “Xəzər-Lənkəran”, “AZAL”, “Qarabağ”, “İnter”, “Bakı” və “Turan” klublarının nümayəndələri iştirak edirlər.
Xatırladaq ki, bu ilin fevralında AFFA-nın baş katibi Elxan Məmmədov Liverpul şəhərində eyniadlı universitetin futbolun idarə edilməsi üzrə proqram direktoru, professor Geoff Pirson ilə görüşmüşdü. Görüşdə universitetinin professorlarının Azərbaycana gəlib AFFA-nın, ölkə klublarının əməkdaşları və futbol ictimaiyyətinin nümayəndələri üçün müvafiq kurslar keçməsi barədə razılıq əldə edilmişdi.
Bölmənin digər xəbərləri
