FUTBOL ÜZRƏ AZƏRBAYCAN PREMYER LİQASINDA TƏXİRƏ SALINMIŞ ÜÇÜNCÜ TURUN NÖVBƏTİ OYUNLARI OLMUŞDUR
Bakı, 21 oktyabr (AZƏRTAC). Oktyabrın 21-də futbol üzrə Azərbaycan Unibank Premyer Liqasında təxirə salınmış 3-cü turun oyunları olmuşdur.
Bu turda “Neftçi” səfərdə “Qəbələ”yə 0:1 hesabı ilə məğlub olmuşdur. “Olimpik-Şüvəlan” isə “Xəzər-Lənkəran” üzərində 2:1 hesabı ilə qalib gəlmişdir. Qeyd edək ki, bu lənkəranlıların çempionatda ilk məğlubiyyətidir.
Tovuzda yerli “Turan” “Karvan”ı 2:1 hesabı ilə məğlub etməklə, bu mövsümdə ilk qələbəsini qazanmışdır.
“Qarabağ” səfərdə” “Muğan”ın qapısından bir cavabsız top keçirmişdir.
Xatırladaq ki, bir gün əvvəl keçirilmiş oyunda “Simurq” “Standard”ı məğlub etmişdir - 2:1.
Hazırda “Simurq” və “Qarabağ” turnir cədvəlində 16 xalla birinci-ikinci yerləri tuturlar. 13 xala malik “İnter” isə üçüncü pillədədir. Lakin turnir cədvəlində son vəziyyət oktyabrn 22-də “İnter” və “Bakı” komandaları arasında oyundan sonra məlum olacaqdır.
Bölmənin digər xəbərləri
