FUTBOL ÜZRƏ MİLLİ ÇEMPİONATIN İKİNCİ TURUNDA “BAKI” TOVUZDA YERLİ “TURAN”A QALİB GƏLMİŞDİR
Milli çempionatın ikinci turunda “Bakı” avqustun 10-da səfərdə Tovuzun “Turan” komandası ilə görüşmüşdür. Maraqlı və gərgin idman mübarizəsi şəraitində keçən oyunun ilk hissəsi meydan sahiblərinin üstünlüyü şəraitində keçmişdir. Buna ilk hissənin 29-cu dəqiqəsində bakılıların legioner futbolçusu Andre Ladaqanın kobud oyuna görə meydandan qovulması da təsir göstərmişdir. Lakin oyunda ilk və yeganə qolu qonaqlar vurmuşdur.
Beləliklə 41-ci dəqiqədə “Bakı”nın hücumçusu Leandro Qomeş standart vəziyyətdən topu meydan sahiblərinin qapısından keçirmişdir.
İkinci hissədə tovuzlular cavab qolu vurmaq üçün hücumları artırsalar da hesabı dəyişməyə müvəffəq ola bilməmişlər. Görüş 0:1 hesabı ilə “Bakı”nın xeyrinə başa çatmışdır.
Bölmənin digər xəbərləri
