FÜZULİ ƏLƏKBƏROV: CÜDOÇULARIMIZ OLİMPİYA OYUNLARINA TAM HAZIRDIRLAR
AZƏRTAC xəbər verir ki, Azərbaycan Cüdo Federasiyasının (ACF) rəhbərliyi, cüdo üzrə yığma komandamızın Pekin Olimpiadasına hazırlığı məqsədilə Qazaxıstanda keçirəcəyi sonuncu təlim-məşq toplanışı ərəfəsində Fəxri xiyabana gələrək, xalqımızın ümummilli lideri Heydər Əliyevin xatirəsini yad etmiş, məzarı önünə əklil qoymuşlar.
Federasiya rəsmiləri tanınmış alim-oftalmoloq, akademik Zərifə xanım Əlieyanın məzarı önünə gül dəstələri düzmüşlər.
Fəxri xiyabanda jurnalistlərin sullarını cavablandıran ACF-nin prezidenti Füzuli Ələkbərov cüdoçularımızın Olimpiya Oyunlarına tam hazır olduğunu söyləmişdir. Federasiya prezidenti demişdir ki, Qazaxıstanda digər ölkələrin təmsilçiləri ilə təlim-məşq toplanışı komandamızın psixoloji hazırlığına yardım edəcəkdir.
Azərbaycan idmançılarının Pekində uğurlu çıxışına ümid etdiyini bildirən F.Ələkbərov fərqlənmiş hər bir cüdoçunun mükafatlandırılacağını söyləmişdir.
Xatırladaq ki, Azərbaycan cüdoçuları Pekin Olimpiya Oyunlarına Qazaxıstandan yollanacaqlar.
Bölmənin digər xəbərləri
