Füzulidə ev yanıb, bir nəfər xilas edilib
Bakı, 26 avqust, AZƏRTAC
Füzuli rayonunun Horadiz şəhərində ümumi sahəsi 142 kvadratmetr olan evdə yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə nəticəsində kürsülü, birmərtəbəli 5 otaqlı ev əşyaları ilə birlikdə yanıb. Yanğın zamanı 1 nəfər yataq xəstəsi yanğınsöndürənlər tərəfindən xilas edilib. Yaxınlıqdakı tikililər yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Bölmənin digər xəbərləri
