“Gazelli Group” şirkəti #GazelliYardım proqramı çərçivəsində aztəminatlı ailələrə göstərdiyi yardımı davam etdirir
Bakı, 10 avqust, AZƏRTAC
“Gazelli Group” şirkəti #GazelliYardım proqramı çərçivəsində aztəminatlı ailələrə göstərdiyi yardımı davam etdirir.
Qurban Bayramı günlərində “Gazelli Group”un keçirdiyi xeyriyyə tədbiri ilə Şüvəlan qəsəbəsindəki xüsusi düşərgələrdə yaşayan məcburi köçkünlərin ailələri zəruri ərzaq, həmçinin “Gazelli”nin sanitariya-gigiyena məhsulları ilə təmin olunublar.
Şirkətdən AZƏRTAC-a bildirilib ki, uşaqlar da bu kampaniyada diqqətdən kənarda qalmayıb, hər birinə bayram hədiyyəsi təqdim olunub.
Azərbaycanda tətbiq olunan xüsusi karantin rejiminin davam etdiyi müddətdə “Gazelli Group” holdinqi COVID-19 pandemiyasının təsiri ilə müxtəlif qruplardan olan çətin maddi vəziyyətə düşən aztəminatlı ailələrə mütəmadi dəstəyini göstərir.
Bölmənin digər xəbərləri
