GƏNC AŞIQLARIN MÜSABİQƏSİ
Gənc aşıqların Şəmkirdə keçirilmiş ümumrespublika müsabiqəsində ölkəmizin bir çox bölgələrindən 90-a yaxın istedad iştirak etmişdir. Mədəniyyət Nazirliyindən AZƏRTAC-a bildirmişlər ki, müsabiqə aşıqların musiqi-ifaçılıq sənəti ənənələrini, mədəni irsimizi qoruyub saxlamaq, habelə gənc istedadları üzə çıxarmaq məqsədi ilə keçirilmişdir.
Tanınmış aşıqlardan Valeh Quliyev, İsfəndiyar Rüstəmov və Gülarə Azaflının daxil olduqları nüfuzlu münsiflər heyətinin qərarı ilə birinci mükafat Familə İsgəndərovaya və Şöhrət Kərimova verilmişdir. Onlara pul mükafatları, diplomlar və qiymətli hədiyyələr təqdim olunmuşdur. Müsabiqənin digər iştirakçıları da mükafatlandırılmışlar.
Gələn il martın ortalarında isə Bakıda müsabiqə laureatlarının konsertini təşkil etmək nəzərdə tutulur.
Bölmənin digər xəbərləri
