GƏNC MÜƏLLİMLƏR ABŞ-DA TƏCRÜBƏ MÜBADİLƏSİ KEÇƏCƏKLƏR
AZƏRTAC xəbər verir ki, avqustun 12-də Bakıdakı Amerika Mərkəzində respublikamızın ali təhsil ocaqlarında çalışan müəllimlərin təhsil və təcrübələrinin inkişafına yönəldilmiş proqramın təqdimatı keçirilmişdir.
ABŞ-ın ölkəmizdəki səfirliyinin ictimai əlaqələr şöbəsinin müdiri Terri Devidson bu məqsədlə həyata keçiriləcək “Junior Faculty Development” (JDFP) və 2009-2010-cu il üçün nəzərdə tutulmuş Fulbrayt proqramları haqqında məlumat vermişdir. Proqramların əsas məqsədi təhsil səviyyəsini artırmaqla yanaşı, Azərbaycan həqiqətlərini əks etdirən məruzələrlə ölkəmiz haqqında müsbət imicin yaradılmasına kömək göstərməkdir.
ABŞ Təhsil Şurası (ACCELS) və Dövlət Departamentinin təhsil və mədəniyyət məsələləri bürosunun təqdim etdiyi JFDP üçün ali təhsil məktəblərində azı 2 il iş təcrübəsi olan müəllimlər ərizə verə bilərlər. Təhsil müddəti 5 ildir.
Fulbrayt proqramı üzrə qəbul planı 6 yerdir.
Bölmənin digər xəbərləri
