Gənc seçici: Seçkilərdə böyük həvəslə və inamla iştirak etdim
Bakı, 7 fevral, AZƏRTAC
Seçkilərə böyük həvəs və inamla gəldim. Təhsilimlə əlaqədar olaraq uzun müddət Türkiyədə yaşamışam və buna görə Vətənimizdə seçkilərdə ilk dəfədir iştirak edirəm.
Bunu AZƏRTAC-a açıqlamasında gənc seçici Məhəmməd Həsənoğlu deyib.
O qeyd edib ki, ölkənin yeni uğurları, gələcək inkişafı hər bir seçicinin öz əlindədir. “Ölkəmiz suverenliyini bərpa edib və Azərbaycanı bundan sonra daha böyük uğurlar gözləyir. Demokratik və şəffaf şəkildə keçirilən seçkilər nəticəsində seçilən prezidentin Azərbaycanı daha da irəliyə aparacağına əminəm”, - deyə o bildirib.
Xatırladaq ki, hazırda Azərbaycanda səsvermə hüququ olan vətəndaşların sayı 6 milyon 478 min 623 nəfərdir.
Seçki prosesini 790 beynəlxalq müşahidəçi izləyir. Onlar 72 beynəlxalq təşkilatı və 89 ölkəni təmsil edirlər. Yerli müşahidəçilərin ümumi sayı isə 90 minə yaxındır.
Seçkiləri 109 beynəlxalq media qurumunun 216 təmsilçisi işıqlandırır.
Bölmənin digər xəbərləri
