Gəncədə artıq yük vuran avtomaşınlar saxlanılır
Gəncə, 13 may (AZƏRTAC). Gəncədə 1 saylı ərazi nəqliyyat departamenti dövlət yol polisi əməkdaşları ilə birlikdə standartlara çavab verməyən və normadan artıq yük vuran nəqliyyat vasitələrinin aşkara çıxarılması məqsədilə reydlərə başlamışdır.
Departamentin rəisi Şəmistan Mustafayev AZƏRTAC-a bildirmişdir ki, qaydalara əməl etməyən çoxlu sayda yük avtomaşını aşkar edilmiş, onların hərəkəti dayandırılmışdır. Reyd zamanı məlum olmuşdur ki, sürücülər idarə etdikləri nəqliyyat vasitələrinin yük tutumunu artırmaq məqsədilə, avtomaşınların konstruksiyasını dəyişmək yolu ilə, kuzova dəmir lövhələr bərkidir, daşınan yükün miqdarını 1,5 və ya 2 dəfəyədək artırırlar. Reydin gedişində belə avtomaşınlar saxlanılır, əlavə bərkidilmiş dəmir lövhələr yerindəcə sökülür və sürücülərə ciddi xəbərdarlıq olunur.
Bölmənin digər xəbərləri
