Gəncədə Gürcüstanın sabiq prezidenti Eduard Şevardnadzenin xatirəsi anılmışdır
Gəncə, 10 iyul (AZƏRTAC). Görkəmli dövlət və ictimai-siyasi xadim, Gürcüstanın sabiq prezidenti Eduard Şevardnadzenin vəfatı ilə əlaqədar bu ölkənin Gəncədəki konsulluğunda anma mərasimi keçirilmişdir.
AZƏRTAC xəbər verir ki, mərasimdə görkəmli dövlət və ictimai-siyasi xadimin xatirəsi bir dəqiqəlik sükutla yad edilmişdir.
Sonra Gəncə Şəhər İcra Hakimiyyəti başçısının birinci müavini Mikayıl Zeynalov və Yeni Azərbaycan Partiyası Gəncə şəhər təşkilatının sədri Naqif Həmzəyev matəm kitabına ürək sözlərini yazaraq bütün Gürcüstan xalqına dərin hüznlə başsağlığı vermişlər.
Bölmənin digər xəbərləri
