GƏNCƏDƏ YASƏMƏN AĞACI ÇİÇƏK AÇMIŞDIR

10.11.2006 [11:11]
Çap et
A⁺ A^-

Gəncənin Ozan küçəsindəki 18 nömrəli evin həyətində yasəmən ağacı çiçək açmışdır. Soyuq payız havasında həyətə girənləri yasəmənin xoş ətri valeh edir. Ev sahibi Nizami Abbasov belə bir hadisə ilə birinci dəfə rastlaşdığını bildirir.

Azərbaycan Kənd Təsərrüfatı Akademiyasının professoru, kənd təsərrüfatı elmləri doktoru Zaur Həsənov AZƏRTAC-ın müxbirinə demişdir ki, son illər belə hadisələr tez-tez qeydə alınır. Bunun da əsas səbəbi iqlim dəyişmələridir. Məlum olduğu kimi, ağac bar verdikdən bir müddət sonra növbəti il üçün məhsula hazırlaşır və tumurcuqlayır. Soyuq düşdükdən sonra növbəti istiləşməyə qədər ağac yatır. Lakin havaların temperaturu normadan artıq olduqda ağac aldanır və tumurcuqlar çiçək açmağa başlayır. Nəticədə belə qeyri-adi hadisələr baş verir.

GƏNCƏDƏ YASƏMƏN AĞACI ÇİÇƏK AÇMIŞDIR

MÜƏLLİFLƏ ƏLAQƏ

Bölmənin digər xəbərləri