GƏNCLƏR HƏQİQİ HƏRBİ XİDMƏTƏ YOLA SALINMIŞLAR
AZƏRTAC-ın müxbiri xəbər verir ki, Samux rayonunda gənclərin həqiqi hərbi xidmətə yola salınması uğurla davam edir. Növbəti yolasalma mərasiminin iştirakçıları, əvvəlcə Heydər Əliyev parkında ümummilli liderimizin möhtəşəm abidəsi önünə gül-çiçək dəstələri qoymuş, torpaqlarımızın bütövlüyü uğrunda canlarından keçmiş mərd mübarizlərin Şəhidlər xiyabanındakı məzarlarını ziyarət edərək xatirələrini anmış, onlar kimi vətənə sadiq olacaqlarına and içmişlər.
Sonra çıxış edən rayon ağsaqqalları, ziyalılar, çağırışçıların valideynləri gənclərə arzu və istəklərini bildirmişlər. Axırda gənclər musiqi sədaları altında hərbi hissələrə yola düşmüşlər.
