GƏNCLƏR TEATRI FESTİVALDA İŞTİRAK EDƏCƏKDİR
Gənclər teatrının yaradıcı kollektivi oktyabrın 2-də Almaniyada keçiriləcək “Dialoq-teatr” festivalında iştirak etmək dəvəti almışdır. Böyük türk şairi Nazim Hikmətin yaradıcılığına həsr olunmuş festivalın təşkilatçısı Türkiyə-Almaniya Mədəniyyət Birliyidir. Gənclər teatrından AZƏRTAC-a bildirmişlər ki, kollektiv Nazim Hikmətin “İnək” əsəri əsasında hazırlanmış tamaşa ilə çıxış edəcəkdir. Hazırda teatr Vilyam Şekspirin “Maqbet” əsərini məşq edir. Tamaşanın quruluşçu rejissoru əməkdar incəsənət xadimi Hüseynağa Atakişiyevdir. Əsərin ilk tamaşası sentyabrda olacaqdır.
Bölmənin digər xəbərləri
