GÖRKƏMLİ BƏSTƏKARLARIN XATİRƏSİ YAD OLUNMUŞDUR
Dövlət Musiqi Mədəniyyəti Muzeyində 18 may - beynəlxalq muzey işçilərinin peşə bayramına həsr olunmuş tədbir keçirilmişdir. Bununla əlaqədar ilin yubilyarları seçilən görkəmli Azərbaycan bəstəkarları Tofiq Quliyevın, Rauf Hacıyevin və Emin Sabitoğlunun əsərlərindən ibarət konsert proqramı hazırlanmışdır.
Tədbiri giriş sözü ilə muzeyin direktoru Alla Bayramova açdı. Sonra Bəstəkarlar İttifaqının birinci katibi, xalq artisti, professor Vasif Adıgözəlov muzey işçilərini peşə bayramı münasibətilə təbrik etdi, bu üç bəstəkarın Azərbaycan musiqi mədəniyyəti tarixindəki böyük rolundan danışdı.
Axırda SSRİ xalq artisti Lütfiyar İmanovun, Rəşid Behbudov adına Mahnı Teatrının solistləri, respublikanın əməkdar artistləri Gülyaz və Gülyanaq Məmmədovaların, Bakı Musiqi Gimnaziyasının tələbələrinin ifasında T.Quliyevin, R.Hacıyevin, E.Sabitoğlunun əsərləri səsləndi.
Bölmənin digər xəbərləri
