GÖRKƏMLİ ŞƏRQŞÜNASIN YUBİLEYİNƏ HƏSR OLUNMUŞDUR
Azərbaycan MEA-nın Beynəlxalq Münasibətlər İnstitutunda görkəmli Azərbaycan şərqşünası, maarifçi, dünya şöhrətli alim, rus şərqşünaslıq elminin banisi Mirzə Məhəmməd Əli Kazım bəyin anadan olmasının 200 illiyinə həsr edilmiş elmi-praktik konfrans keçirilmişdir.
İnstitutun direktoru, professor Vaqif Arzumanlı konfransı açaraq, M.Kazım bəyin həyat və fəaliyyəti haqqında məlumat verdi, YUNESKO-nun xətti ilə bu il onun yubileyinin geniş miqyasda qeyd edildiyini vurğuladı.
Sonra fəlsəfə elmləri doktoru Vəli Həbiboğlunun “Mirzə Kazım bəyin fəlsəfi və ictimai-siyasi baxışları”, filologiya elmləri doktoru Nazif Qəhrəmanlının “Mirzə Kazım bəy rus şərqşünaslığının banisidir”, tarix elmləri namizədi Kamil Muxtarovun “Mirzə Kazım bəyin Avropa şərqşünaslığının inkişafında rolu” mövzularında məruzələri dinlənildi, çıxışlar oldu.
Natiqlər görkəmli alimin tarix, filologiya, şərqşünaslıq elmlərinin inkişafındakı xidmətlərindən bəhs etdilər, onun elmi irsinin daha geniş tədqiq olunmasının zəruriliyini bildirdilər.
Bölmənin digər xəbərləri
