GÖRÜŞ YAZIÇININ 70 İLLİK YUBİLEYİNƏ HƏSR EDİLMİŞDİR
AZƏRTAC-ın müxbiri xəbər verir ki, Azərbaycan ədəbi mühitinin görkəmli nümayəndələrindən biri, Həsənbəy Zərdabi və Məmməd Araz mükafatları laureatı, 21 bədii və publisistik kitabın müəllifi, yazıçı Qərib Mehdinin 70 illik yubileyi ilə əlaqədar Gəncənin mərkəzi kitabxanasında oxucularla görüşü keçirilmişdir. Tədbirdə çıxış edənlər Qərib Mehdinin yaradıcılığından danışmış, onun ingilis, alman, fransız, ərəb, çin və rus dillərinə tərcümə olunmuş “Yaralı mərmər”, “Ucalan dağlar”, “Rast” və başqa əsərlərinin səciyyəvi xüsusiyyətlərindən söz açmışlar. Axırda yazıçı əməyinə verilən yüksək qiymətə görə görüş iştirakçılarına minnətdarlıq etmişdir.
Bölmənin digər xəbərləri
