GÖYÇAYDA CİNAYƏTKAR DƏSTƏ YAXALANMIŞDIR

13.12.2006 [17:51]
Çap et
A⁺ A^-

Daxili İşlər Nazirliyinin mətbuat xidmətindən AZƏRTAC-a verilən məlumata görə, dekabrın 11-nə keçən gecə, Göyçay şəhərində, “Dostluq” yeməkxanasında bir qrup şəxslərin narkotik vasitələrin alışı və satışı ilə məşğul olması, habelə vətəndaşlara qarşı zorakılıq göstərmələri barədə Göyçay Rayon Polis Şöbəsinə məlumat daxil olmuşdur. Hadisə yerinə çıxmış əməliyyat qrupuna müqavimət göstərmiş Bakı şəhər sakini, əvvəllər məhkum olunmuş Həsən Kərimov, Göyçay rayon sakinləri Rüstəm Mirzəyev, Siyavuş Xəlilov, Mikayıl Həmidov, Məhərrəm, Ayaz, Şərif Əhmədovlar və Elbrus Sadıqov rayon polis şöbəsinə gətirilmişlər.

Aparılan araşdırmalar zamanı S.Xəlilovun cari ilin sentyabrında odlu silahdan istifadə edərək Qəbələ rayon sakini Nurəddin Xəlilovu bir gün müddətinə azadlıqdan məhrum etməsi, H.Kərimovun Göyçay rayon sakini Yasin Məmmədovu odlu silahdan atəş açaraq yaralaması və ona məxsus “VAZ-2106” markalı avtomaşını yandırması, eləcə də onun və digər rayon sakini Şaiq Ağayevin cari ilin oktyabr və noyabr aylarında, yol polis şöbəsinin əməkdaşlarına qarşı müqavimət göstərmələri müəyyən edilmişdir. H.Kərimovdan 0,172 qram, M.Əhmədovun avtomaşınından isə 0, 208 qram heroin götürülmüşdür.

Faktla bağlı cinayət işi açılmışdır, araşdırma aparılır.

GÖYÇAYDA CİNAYƏTKAR DƏSTƏ YAXALANMIŞDIR

MÜƏLLİFLƏ ƏLAQƏ

Bölmənin digər xəbərləri