Güləşçi qızlarımız dünya çempionatında mübarizəni davam etdirirlər
Bakı, 14 avqust, AZƏRTAC
Braziliyada güləş üzrə gənclər arasında dünya çempionatında qarşılaşmalar davam edir.
AZƏRTAC xəbər verir ki, Salvador şəhərində keçirilən mundialda böyük məşqçi Yaqub Məmmədov və məşqçi Aslan Ağayevin rəhbərliyi ilə Türkan Nəsirova (44 kq), Ayan Məmmədova (48 kq), Leyla Qurbanova (51 kq), Alyona Kolesnik (55 kq), Almaz İsmayılova (59 kq), Raqnetta Qurbanzadə (63 kq), Elis Monolova (67 kq) və Səbirə Əliyevadan (72 kq) ibarət komanda mübarizə aparır.
Yarışın üçüncü günündə gənc qızlardan ibarət yığmamızın üzvləri - Türkan Nəsirova (44 kq) və Leyla Qurbanova (51 kq) qızıl, Elis Manolova (67 kq) isə bürünc medala sahib olub.
Çempionatın dördüncü günündə - avqustun 14-də 48, 55, 63 və 72 kiloqram çəki dərəcələrində gənc qızlar mübarizə aparırlar. İlk görüşlər Bakı vaxtı ilə saat 18:00-da başlayacaq.
Yunan-Roma güləşçilərinin mübarizəsində idmançılarımız 1 qızıl (Murad Məmmədov, 55 kq), 2 gümüş (Kərim Cəfərov, 60 kq, İslam Abbasov, 84 kq) və 1 bürünc (Ruhin Mikayılov, 66 kq) medal qazanıblar.
Yığmamız çempionatı komanda hesabında ikinci sırada başa vurub.
Bölmənin digər xəbərləri
