“GÜLÜSTAN”DA İSTİRAHƏT VƏ TURİZM BAZASI YARADILMIŞDIR
Goranboyun Gülüstan qəsəbəsində yeni istirahət və turizm bazasında son tamamlama işləri görülür. Təbiətin qoynunda yerləşən bu bazada turistlərin mənalı istirahəti üçün hər cür şərait yaradılmışdır. Burada ailə ilə və tək qalmaq üçün müasir standartlara cavab verən və hər cür şəraiti olan otaqlar, üçmərtəbəli yeməkxana, əyləncə meydançaları, idman zalı istirahət edənlərin ixtiyarına veriləcəkdir.
İstirahət və turizm bazasının rəhbəri, iş adamı İlham Bədəlov AZƏRTAC-ın müxbirinə bildirmişdir ki, bu yeni istirahət bazası həm Azərbaycan vətəndaşları, həm də xarici turistlər üçün nəzərdə tutulmuşdur. Məqsəd Azərbaycanı və onun gözəlliklərini dünyaya nümayiş etdirməkdir.
