“GÜNƏŞLİ” YATAĞINDA YÜKSƏKHASİLATLI QUYU İSTİSMARA VERİLMİŞDİR
Azərbaycanın dəniz neftçiləri “Günəşli” yatağında 8 nömrəli platformadakı 310 nömrəli quyunu istismara vermişlər. ARDNŞ-ın mətbuat mərkəzindən AZƏRTAC-ın müxbirinə bildirmişlər ki, quyu 2832-2777 metr dərinlikdən fontanla sutkada 250 ton neft və 40 min kubmetr qaz verir. “Bayıl limanı” dəniz kəşfiyyat qazması idarəsinin kollektivi bu quyunu nəzərdə tutulduğundan 3 ay tez - 3,5 ay ərzində qazmış və onun smeta dəyərini 40 faizdən çox azaltmışlar. Bütün bunlar “Günəşli” yatağının işlənilməsində ARDNŞ rəhbərliyinin yeni konsepsiyasının nəticəsidir. Bu konsepsiya həmin yataqda qazılan quyuların fasiləsiz maliyyələşdirilməsindən ibarətdir.
Bu il yataqda 6 yeni quyu istismara vermək planlaşdırılmışdır. Onlardan üçü artıq işlədilir. Yaxın günlərdə “Bayıl limanı” idarəsinin neftçiləri 8 nömrəli platformada daha bir quyu qazmağa başlayacaqlar.
Bölmənin digər xəbərləri
