GÜRCÜSTAN DİN İ.GEORQADZE TƏRƏFDARLARININ YENİ PLANLARINI AŞKARLAYIB
Nazirliyin xüsusi işlər üzrə müstəntiqi Eka Oğroşidze bildirmişdir ki, bu adamlar Gürcüstan daxili işlər və müdafiə nazirlərini aradan götürüb, onların tabeliyində olan sistemi təcrid etmək niyyətində idilər.
Xatırladaq ki, hazırda İ.Georqadzenin 12 nəfər tərafdarı vətənə xəyanət cəhdində şübhəli sayılıb, ikiaylıq həbs cəzasına məruz qalmışdır. “AntiSoros” hərəkatının lideri Maya Nikoleişvili məhkəmədə təqsirini etiraf edib, 10 min lari (1 dollar 1,74 laridir) girov qoyduqdan sonra Tbilisi Şəhər Məhkəməsi onu təhqiqat başa çatanadək azadlığa buraxmışdır.
Hüquq mühafizəçiləri hakim Milli Hərəkat Partiyasının Tbilisidəki mərkəzi ofisini partlatmağa cəhd edən Aleksandr Cumburidzeni yaxalamışlar. Axtarış zamanı onun evindən 400 qram trotil, digər partlayıcı maddə tapılmışdır.
Bölmənin digər xəbərləri
