GÜRCÜSTAN HÖKUMƏTİNİN ÜZVLƏRİ MÜNAQİŞƏ ZONASINDA HƏLAK OLANLARIN XATİRƏSİNİ YAD ETMİŞLƏR
AZƏRTAC-ın xüsusi müxbiri xəbər verir ki, Gürcüstan hökumətinin iclasında hökumət üzvləri əvvəlcə münaqişə zonasında həlak olanların xatirəsini bir dəqiqəlik sükutla yad etmişlər.
Əmək, səhiyyə və sosial müdafə naziri Aleksandr Kvitaşvili münaqişə zonasında başlanmış qarşıdurma nəticəsində Gürcüstanın 15 dinc sakin, 40 hərbçi itirdiyini bildirmişdir.
Baş nazir Vladimir Qurgenidze demişdir ki, ölkənin tibb, iqtisadiyyat, energetika strukturları fəaliyyətlərini müharibə şəraitinə uyğun davam etdirirlər. Baş nazir ölkənin hərbi əməliyyatları davam etdirmək üçün kifayət qədər ehtiyatı olduğunu bildirmişdir.
İqtisadi inkişaf naziri Yekaterine Şaraşidze rusların bombardman etdikləri iqtisadi obyektlərin əksəriyyətinin bərpa olunduğunu, Poti limanının da vəziyyətinin yaxın zamanlarda sabitləşəcəyini demişdir.
Bölmənin digər xəbərləri
