Gürcüstan iribuynuzlu mal-qaranın ixracına məhdudiyyətlər tətbiq edib
Tbilisi, 7 fevral, AZƏRTAC
Gürcüstan iribuynuzlu mal-qaranın ixracına məhdudiyyətlər tətbiq edib.
AZƏRTAC xəbər verir ki, bu barədə Gürcüstanın Milli Qida Agentliyi məlumat yayıb.
Qüvvəyə minən yeni qaydalara əsasən ixraca yönələn iribuynuzlu mal-qaranın çəkisi 140 kiloqramdan 200 kiloqrama qədər artırılıb.
Bildirilib ki, yeni qaydalar heyvandarlıq sahəsinin inkişafı, məhsulların istehsalının artırılması və emal sənayesi sahəsində yeni iş yerlərinin yaradılmasına kömək edəcək.
Qeyd edək ki, Azərbaycan Gürcüstandan iri buynuzlu mal-qara idxal edən əsas ölkələrdən biridir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
