GÜRCÜSTAN MƏKTƏBLƏRİNDƏ HƏRBİ HAZIRLIQ DƏRSLƏRİ QADAĞAN EDİLMİŞDİR
AZƏRTAC-ın Tbilisi müxbiri Gürcüstan Təhsil Nazirliyinə istinadla xəbər verir ki, ölkənin orta məktəblərində ibtidai hərbi hazırlıq dərsləri müvəqqəti qadağan edilmişdir. Nazirliyin bu qərarından məqsəd hərbi hazırlıq dərslərində istifadə edilən bütün vasitə və avadanlığın nə dərəcədə təhlükəsiz olduğunu yoxlamaqdır.
Belə bir qərarın qəbul edilməsinə dekabrın 9-da səhər Tbilisi məktəblərindən birində şagirdin əlində qumbara partlaması səbəb olmuşdur. Məktəbli yerindəcə həlak olmuş, daha altı nəfər, o cümlədən müəllim xəsarət almışdır.
Bölmənin digər xəbərləri
