Gürcüstan MSK: EPDE ölkənin seçki prosesinə qəsdən zərbə vurmağa çalışır
Tbilisi, 21 oktyabr, AZƏRTAC
Gürcüstan Mərkəzi Seçki Komissiyası (MSK) Avropa Demokratik Seçkilər Platformasının (EPDE) son bəyanatını sərt tənqid edib.
AZƏRTAC xəbər verir ki, MSK bununla bağlı bəyanat yayıb. Bəyanatda bildirilir ki, təşkilatın iddiaları əsassızdır və Gürcüstanın seçki prosesinə zərbə vurmaq məqsədi daşıyır. MSK bəyan edir ki, EPDE-nin təkrarlanan ittihamları təşkilatın obyektivliyinə dair suallar doğurur.
Komissiyanın açıqlamasına görə, EPDE-nin MSK-ya ünvanladığı müraciətlər seçki administrasiyasının səlahiyyətlərini şübhə altına qoyur. MSK vurğulayır ki, seçki müşahidəçilərinin qeydiyyat meyarları və onların hüquqları açıq şəkildə müəyyən edilib və bu məlumatlar komissiyanın rəsmi saytında yerləşdirilib.
Gürcüstan MSK EPDE-ni prosesə manipulyasiya etməkdə ittiham edərək təşkilatı obyektivliyə, qərəzsizliyə və dövlətlərin suveren institutlarına hörmət etməyə çağırıb. Komissiyanın fikrincə, EPDE-nin bəyanatları “mötəbər hesab edilə bilməz” və onların məqsədi uğurlu seçkiləri ört-basdır etmək və ictimai etimadı sarsıtmaq cəhdi ilə eyniləşdirilir.
MSK bildirir ki, 4 oktyabr seçkiləri həm yerli, həm də beynəlxalq müşahidə təşkilatları tərəfindən izlənilib və seçkilərin nəticələri siyasi partiyalar tərəfindən tanınıb.
AZƏRTAC-ın xüsusi müxbiri
Tbilisi
Bölmənin digər xəbərləri
