GÜRCÜSTAN PARLAMENTİ MDB-DƏN ÇIXMAQ BARƏDƏ PREZİDENTİN TƏKLİFİNİ DƏSTƏKLƏMİŞDİR
AZƏRTAC-ın xüsusi müxbiri xəbər verir ki, Gürcüstan parlamenti Prezident Mixeil Saakaşvilinin öz ölkəsinin MDB-dən çıxmaq barədə təklifini yekdilliklə dəstəkləmişdir. Beləliklə parlament Gürcüstanın bu qurumda qalmasına təminat verən üç müqaviləni ləğv etmişdir.
Xatırladaq ki, Prezident Saakaşvili Ukraynanın və digər ölkələrin də MDB-dən çıxmasını təklif etmişdir. Gürcüstanda səfərdə olan Ukrayna Baş nazirinin müavini Qriqori Nemir jurnalistlərə demişdir ki, ölkəsinin üzvü olmadığı qurumdan çıxması barədə qərar qəbul etməyə ehtiyac yoxdur. Onun sözlərinə görə, Ukrayna Ali Radası ölkənin MDB-də üzvlüyü barədə qərarı ratifikasiya etməmişdir və buna görə də Ukrayna bu qurumun üzvü sayıla bilməz.
Bölmənin digər xəbərləri
