GÜRCÜSTAN PARLAMENTİNİN NÜMAYƏNDƏ HEYƏTİ BAKIYA GƏLMİŞDİR
Heydər Əliyev adına beynəlxalq hava limanında nümayəndə heyətini Milli Məclis sədrinin müavini Valeh Ələsgərov, Gürcüstanın ölkəmizdəki səfiri Zurab Qumberidze və digər rəsmi şəxslər qarşılamışlar.
C.İnaişvili jurnalistlərə müsahibəsində demişdir ki, Azərbaycana səfərin əsas məqsədi Milli Məclisin yeni tərkibi ilə tanışlıqdır. Əvvəlki parlamentlə də gözəl münasibətlərimiz olmuşdur. Hesab edirik ki, əlaqələrimiz istədiyimiz səviyyəyə çatacaqdır. Səfər çərçivəsində bir sıra görüşlər keçirəcək, xüsusilə siyasi, iqtisadi əlaqələrimizin genişlənməsinə dair məsləhətləşmələr aparacağıq. Mən fürsətdən istifadə edərək, Prezident İlham Əliyevə və Azərbaycan xalqına öz dərin minnətdarlığımı bildirmək istəyirəm. Bilirsiniz ki, Gürcüstan bu günlərdə ciddi enerji problemi ilə üzləşmişdi. Bu problemin aradan qaldırılmasında göstərdiyiniz böyük köməyə görə, sizə öz adımdan, gürcü xalqı adından minnətdarlığımı bildirirəm.
Bölmənin digər xəbərləri
