GÜRCÜSTAN PREZİDENTİ MİXEİL SAAKAŞVİLİ RUSİYANIN “KOMMERSANT” QƏZETİNƏ MÜSAHİBƏ VERMİŞDİR
Gürcüstan Rusiya ilə özünün ərazi bütövlüyü haqqında danışıqlar aparmaq niyyətində deyildir. AZƏRTAC İTAR-TASS-a istinadla xəbər verir ki, bunu Gürcüstan Prezidenti Mixeil Saakaşvili Rusiyanın “Kommersant” qəzetinə müsahibəsində bildirmişdir.
O demişdir: “Biz öz ərazi bütövlüyümüz barədə Rusiya ilə ümumiyyətlə danışıqlar aparmaq niyyətində deyilik. Rusiya Gürcüstanın ərazi bütövlüyünü pozmuşdur və danşıqlar yalnız Rusiya qoşunlarının çıxarılması barədə aparıla bilər. Biz bütün məsələləri, o cümlədən atəşin dayandırılması və digər məsələləri müzakirə etməyə hazırıq. Lakin Rusiya Gürcüstanın müstəqilliyini və ərazi bütövlüyünü tanımır. Bu vəziyyətdə danışıqlara başlamaq çətindir. Rusiya Gürcüstanın vahidliyini və sərhədlərini tanıyandan sonra danışıqlar aparmaq asan olacaqdır”.
Bir qədər əvvəl Rusiyanın xarici işlər naziri Segey Lavrov “Exo Moskvı” radiostansiyasına müsahibəsində demişdir ki, Gürcüstanın Cənubi Osetiyaya təcavüzündən sonra Gürcüstanın ərazi bütövlüyü barədə söhbətləri unutmaq olar, çünki zənnimcə, Cənubi Osetiya və Abxaziyanı Gürcüstan dövlətinin tərkibinə zorla qaytarmağın mümkünlüyü ilə razılaşmağa məcbur etmək baş tutmayacaqdır”.
Bölmənin digər xəbərləri
