GÜRCÜSTAN PREZİDENTİ VƏZİFƏSİNƏ 15 NƏFƏR, O CÜMLƏDƏN BİR ERMƏNİ NAMİZƏDDİR
Beləliklə, Gürcüstan prezidenti vəzifəsinə 15 namizəd qeydə alınmışdır, onların 13-ü gürcü, biri rus və biri ermənidir. Namizədlərdən ikisi qadındır.
Müşahidəçilərin fikrincə, “Saakaşvili-Milli hərəkat” və “Burcanadze-demokratlar” bloklarının vahid namizədi 35 yaşlı Mixail Saakaşvili və Gürcüstan prezidentinin İmereti bölgəsindəki (Qərbi Gürcüstan) sabiq müvəkkili 52 yaşlı Teymuraz Şaşiaşvili dövlət başçısı vəzifəsinə ən real namizədlərdir.
Xatırladaq ki, prezident seçkiləri gələn il yanvarın 4-nə təyin edilmişdir. Namizədlərdən heç biri seçicilərin səslərinin 50 faizindən çoxunu toplamasa ikinci tur keçiriləcəkdir. İkinci tur isə birinci turdan iki həftə sonra - yanvarın 18-də olmalıdır.
Bölmənin digər xəbərləri
