GÜRCÜSTAN PREZİDENTİNİN SEÇKİLƏRİ ACARISTANDA KEÇİRİLƏCƏKMİ?
Gürcüstanın Dövlət naziri Zurab Jvaniya buna, demək olar, əmindir. AZƏRTAC-ın müxbirinin verdiyi xəbərə görə, o, Batumiyə səfərdən qayıtdıqdan sonra, Tbilisidə keçirdiyi mətbuat konfransında bildirmişdir ki, yanvarın 4-də Acarıstan Muxtar Respublikasının ərazisində prezident seçkiləri keçirilməsi məsələsi, əslində, həll edilmişdir.
O demişdir ki, Acarıstan muxtariyyətinin başçısı Aslan Abaşidze ilə şənbə günü apardığı danışıqlarda söhbət təkcə qarşıdakı prezident seçkilərindən deyil, həm də mərkəzi hakimiyyətlə muxtar respublikanın rəhbərliyi arasında normal, sağlam münasibətlərin necə formalaşması və inkişaf etməsi barədə ümumi rəyə gəlməkdən getmişdir.
Bölmənin digər xəbərləri
