Gürcüstanda koronavirusa yoluxanların sayında kəskin artım qeydə alınıb
Tbilisi, 13 iyul, AZƏRTAC
Gürcüstanda koronavirusa yoluxma hallarında kəskin artım qeydə alınıb. Son 24 saat ərzində bu ölkədə 1 862 nəfərdə koronavirus aşkarlanıb. Bu son 5 ayda ən yüksək göstəricidir.
AZƏRTAC xəbər verir ki, bu barədə ölkənin Xəstəliklərə Nəzarət və İctimai Səhiyyə Milli Mərkəzindən məlumat verilib.
Bildirilib ki, son sutka ərzində 619 nəfər müalicə olunub, 11 pasiyent həyatını itirib.
Hazırkı dövrədək Gürcüstanda COVID-19 infeksiyasına yoluxanların sayı 379 673-ə çatıb.
Xəstələrin 360 558-i sağalıb, 5 479-u isə dünyasını dəyişib.
Bu günə olan aktiv xəstə sayı 13 610 nəfər təşkil edir.
Mərkəzdən onu da bildiriblər ki, ölkədə vaksinasiya prosesi də davam edir.
Bu günədək Gürcüstanda 310 min 332 nəfər vaksinasiya olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
