GÜRCÜSTANDA ÜMUMMİLLİ LİDER HEYDƏR ƏLİYEVİN ANIM GÜNÜNƏ HAZIRLAŞIRLAR

06.12.2006 [18:43]
Çap et
A⁺ A^-

AZƏRTAC-ın xüsusi müxbiri xəbər verir ki, harada yaşamasından asılı olmayaraq, bütün azərbaycanlılar ümummili liderimiz Heydər Əliyevi xalqın dirçəlişi, Azərbaycanın birliyi, ölkənin əbədi müstəqilliyinin bərpasında əvəzolunmaz sima hesab edirlər. Dünyamiqyaslı siyasət xadiminin anım günü ilə əlaqədar Gürcüstan azərbaycanlıları da müxtəlif tədbirlər planlaşdırmışlar.

Qafqaz Müsəlmanları İdarəsinin Gürcüstandakı nümayəndəsi, Tbilisi cümə məscidinin axundu məşədi Əli bildirmişdir ki, Heydər Əliyevin anım günü Tbilisi cümə məscidində də qeyd olunacaqdır. Dekabrın 12-də məsciddə toplantı keçirib, dindarlara xalqını ağ günə çıxaran Heydər Əliyevin zəngin və şərəfli həyatından söhbət açılacaq, ulu öndərin ruhuna dualar oxunacaqdır.

Marneuli təhsil-resurs mərkəzinin rəhbəri Kamandar İsmayılov demişdir ki, rayonun bütün Azərbaycan məktəblərində Heydər Əliyevin anım günü münasibətilə müxtəlif tədbirlər hazırlanmışdır. Bəzi məktəblərdə ümummilli liderin həyat və fəaliyyəti əks olunan xüsusi fotostendlər açılacaqdır.

Dahi öndər Heydər Əliyevin anım günü ilə əlaqədar Bolnisi, Dmanisi, Qardabani rayonlarındakı Azərbaycan məktəblərində də tədbirlər nəzərdə tutulur.

GÜRCÜSTANDA ÜMUMMİLLİ LİDER HEYDƏR ƏLİYEVİN ANIM GÜNÜNƏ HAZIRLAŞIRLAR

MÜƏLLİFLƏ ƏLAQƏ