GÜRCÜSTANIN BAŞ NAZİRİ JURNALİSTLƏRİ ÖLKƏDƏKİ SON VƏZİYYƏT BARƏDƏ MƏLUMATLANDIRMIŞDIR
AZƏRTAC-ın xüsusi müxbiri xəbər verir ki, avqustun 12-də Gürcüstanın Baş naziri Vladimir Qurgenidze jurnalistlərə ölkədəki son vəziyyət barədə məlumat vermişdir.
Baş nazir demişdir ki, Rusiya təyyarələrinin bombardmanı nəticəsində Kaspi rayonu ərazisində dəmir yolu zədələnmişdir. Rusların bu əraziyə daxil olmasına baxmayaraq, Poti limanı avqustun 11-də fəaliyyətini davam etdirmişdir. Burada həmin gün 3 yük gəmisi boşaldılmışdır. Liman gəmiləri qəbul etməyə hazırdır.
Baş nazir avqustun 12-də hökumət idarələrində adi iş rejiminin olduğunu, lakin avqustun 12-də ölkənin bank sisteminin işləmədiyini də bildirmişdir. V.Qurgenidze təxribata uymadığına, təmkinlik göstərdiyinə görə ölkə əhalisinə təşəkkür etmişdir.
Bölmənin digər xəbərləri
