GÜRCÜSTANIN DÖVLƏT NAZİRİ AXISQA TÜRKLƏRİ İLƏ GÖRÜŞMÜŞDÜR
AZƏRTAC xəbər verir ki, Azərbaycanda səfərdə olan Gürcüstanın dövlət naziri, XX əsrin 40-cı illərində Cənubi Gürcüstandan deportasiya olunmuş əhalinin məsələləri üzrə Repatriasiya Komissiyasının sədri Georgi Xaindrava yanvarın 31-də Saatlı rayonuna getmiş, Nəsimikənddə məskunlaşmış axısqa türkləri ilə görüşmüşdür. Qonaq səfərinin məqsədi barədə məlumat verərək demişdir ki, onun ölkəsi axısqa türklərinin öz vətənlərinə qayıtması üçün ardıcıl səylər göstərir. Nazir qeyd etmişdir ki, axısqa türklərinin öz əzəli torpaqlarına dönüşünün təşkili məqsədi ilə Gürcüstanda xüsusi komissiya fəaliyyət göstərir. Gürcüstana qayıdanlara müvafiq təminatlar veriləcək. Bu məsələdə beynəlxalq təşkilatların yardımı da gözlənilir.
Görüşdən razı qalan axısqa türklərinin nümayəndələri onların deportasiyası ilə bağlı tarixi ədalətsizliyi yenidən xatırlamış, problemin həllinin bir sıra məqamlarına toxunmuşlar.
Dövlət nazirini Gürcüstanın ölkəmizdəki səfiri Z.Qumberidze müşayiət etmişdir.
Bölmənin digər xəbərləri
