Azərbaycan Dövlət İnformasiya Agentliyi

DÜNYA

GÜRCÜSTANIN DÖVLƏT TƏHLÜKƏSİZLİYİ NAZİRİ ƏHALİNİ EHTİYATLI OLMAĞA ÇAĞIRIR

04.12.2003 [22:56]
Çap et
A⁺ A^-

AZƏRTAC-ın Tbilisi müxbiri xəbər verir ki, Gürcüstanın dövlət təhlükəsizliyi naziri Valeri Xaburzaniya dekabrın 4-də keçirdiyi brifinqdə ölkə əhalisini adamların daha çox toplaşdıqları yerlərdə - vağzallarda, bazarlarda, yarmarkalarda, metro stansiyalarında və digər obyektlərdə xüsusilə ehtiyatlı və ayıq-sayıq olmağa çağırmışdır.

Nazir demişdir ki, “kiminsə qoyduğu əşyalara əl vurmaq olmaz”. O, vətəndaşlardan belə əşyalar görən kimi birbaşa telefonla dövlət təhlükəsizliyi orqanlarına dərhal məlumat verməyi xahiş etmişdir.

V.Xaburzaniya bu çağırışı belə bir məlumat alınması ilə əsaslandırmışdır ki, “dağıdıcı qüvvələr ölkədə vəziyyətin sabitliyini pozmaq məqsədi ilə terror aktları və partlayışlar təşkil edə bilərlər”.