Gürcüstanın Prokurorlar Şurası ölkənin yeni Baş prokurorunu seçib
Tbilisi, 7 fevral, AZƏRTAC
Gürcüstanın Prokurorluq Şurası ölkənin yeni Baş prokurorunu seçib.
AZƏRTAC xəbər verir ki, şuranın fevralın 6-da keçirilən iclasında Baş prokuror vəzifəsinə 15 namizəddən əvvəlcə dörd nəfər seçilib. Fevralın 7-də isə dörd namizəd arasında seçim aparılıb və şura sabiq Baş prokuror İrakli Şotadzeni yenidən bu vəzifəyə layiq görüb. Şuranın 12 üzvündən 11-i onun lehinə səs verib.
İ.Şotadzenin Baş prokuror vəzifəsinə təsdiqlənməsi üçün məsələ parlamentə təqdim ediləcək.
Qeyd edək ki, İ.Şotadze 2015-ci ilin noyabrından 2018-ci il mayın 31-dək Gürcüstanın Baş prokuroru olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
