GÜRCÜSTANIN QƏRBİNDƏ YAĞAN QAR MAGİSTRAL YOLLARDA HƏRƏKƏTİN DAYANMASINA SƏBƏB OLMUŞDUR
AZƏRTAC-ın xüsusi müxbiri xəbər verir ki, Gürcüstanın qərbində yağan güclü qar magistral yollarda və Rikoti aşırımında avtomobillərin hərəkətinin dayanmasına səbəb olmuşdur. Raça-Leçxumi, Msxeta-Tianeti və İmereti bölgələrində xüsusilə ciddi problemlər yaranmışdır. Bəzi rayonlarda qarın qalınlığı 40 santimetrə çatmışdır.
Yolların qardan təmizlənməsi üçün tədbirlər görülür, lakin güclü külək bu işi çətinləşdirir.
Sinoptiklər bir neçə gün havaların soyuq keçəcəyini bildirirlər.
