Tbilisi, 13 iyul, AZƏRTAC

Gürcüstanın xarici ticarət dövriyyəsi cari ilin birinci yarısında 6 milyard 212,1 milyon ABŞ dolları təşkil edib. Bu da, 2020-ci ilin eyni dövrünə nisbətdə 21,3 faiz çoxdur.

AZƏRTAC xəbər verir ki, bu barədə Gürcüstanın Milli Statistika İdarəsinin hesabatında deyilir.

Bildirilir ki, cari ilin yanvar-iyun ayları ərzində Gürcüstanın ixracının dəyəri 25,5 faiz artaraq 1 milyard 887,5 milyon dollar, idxalının dəyəri isə 19,5 faiz artaraq 4 milyard 324,6 milyon dollar olub.

Hesabat dövründə xarici ticarətdə 2 milyard 437,2 milyon dollar dəyərində kəsir yaranıb.

Xətayi Əzizov

AZƏRTAC-ın xüsusi müxbiri

Tbilisi