Gürcüstanın yeni Baş naziri BTQ layihəsinin həyata keçirilməsini hökumətin prioritetlərindən saymışdır

21.11.2013 [11:41]
Çap et
A⁺ A^-

Tbilisi, 21 noyabr (AZƏRTAC). Gürcüstanın yeni Baş naziri İrakli Qaribaşvili Bakı-Tbilisi-Qars dəmir yolu və “Şərq-Qərb” sürətli avtomobil magistralı tikintilərinin başa çatdırılmasını hökumətin prioritetlərindən olduğunu bəyan etmişdir.

Baş nazir infrastruktur layihələrinin həyata keçirilməsi ilə Gürcüstanda müvəqqəti və daimi iş yerlərinin açılmasına şərait yaranacağını bildirmişdir.

Vurğulanmışdır ki, birbaşa Avropa dəmir yolu xəttinə çıxış olan Bakı-Tbilisi-Qars layihəsi reallaşdıqdan sonra ildə 30 milyon ton yük daşınması mümkün olacaq, Asiyadan Avropaya konteyner və digər yüklərin axını güclənəcəkdir.

İslam Əliyev

AZƏRTAC-ın xüsusi müxbiri

Tbilisi