Hacıqabulda çaqqal qoyun sürüsünə hücum edib
Hacıqabul, 31 yanvar, Mahir Babayev, AZƏRTAC
Hacıqabulda çaqqal qoyun sürüsünə hücum edib.
AZƏRTAC-ın bölgə müxbiri xəbər verir ki, hadisə rayonun Ağacanlı kəndində baş verib. Kənd sakini 1950-ci il təvəllüdlü Mətləb Mirzəyev sahədə qoyun otararkən çaqqal sürüyə hücum edib. Qoyunları vəhşi heyvanın hücumundan qoruyarkən 68 yaşlı kənd sakini özü də onun hücumuna məruz qalıb. O, çaqqalı öldürsə də, yırtıcı heyvan onun barmağını qoparıb və ayağını yaralayıb.
Həkimlər kənd sakininə yardım edib, ona quduzluq əleyhinə vaksin vurulub.
Bölmənin digər xəbərləri
