HADİSƏ YERİNDƏN QAÇMIŞ SÜRÜCÜ TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Sabunçu rayonunda naməlum avtomaşınla Bakı şəhər sakini Lyudmila Tokaryeva vurulmuşdur. L.Tokaryeva hadisə yerində ölmüşdür.
Hadisəni törətmiş “BMW” markalı avtomaşının sürücüsü, Bakıxanov qəsəbəsinin sakini Samir Mahmudov Sabunçu Rayon Polis İdarəsinin 13-cü bölməsi əməkdaşlarının keçirdikləri əməliyyat-axtarış tədbirləri nəticəsində tutulmuşdur.
Ağdaş rayonunda Yevlax rayon sakini Elçin İsrafilovun idarə etdiyi “Moskviç-412” markalı və Türkiyə vətəndaşı Əli Sertinin idarə etdiyi “Skaniya” markalı avtomaşınlar toqquşmuşdur. Nəticədə E.İsrafilov hadisə yerində ölmüşdür.
Hadisələrlə bağlı cinayət işləri açılmışdır, təhqiqat aparılır.
Bölmənin digər xəbərləri
