Hakimlər Azərbaycan Qran-Prisində insidentlə bağlı “Williams”ın müraciətinə baxmaqdan imtina ediblər
Bakı, 8 may, AZƏRTAC
Williams” komandasının F1 “Azərbaycan Qran-Prisində bir neçə insidentə təkrar baxılması barədə müraciətinə stüardlardan rədd cavabı gəlib. Bu, yarış kollektivində şəraitin qiymətləndirilməsinə təsir edəcək prinsipial cəhətdən yeni və bugünədək bilinməyən faktların olmamasıdır.
AZƏRTAC xəbər verir ki, hakimlər ispaniyalı Fernando Alonsonun əzilmiş “McLaren”də qaraja qayıtmasını təhlükəsiz və qaydalara zidd olmayan hərəkət hesab ediblər. “Haas”ın danimarkalı pilotu Kevin Maqnussenin on saniyəlik cəriməsi isə onun keçmişdəki analoji insidentləri və sanksiyaları nəzərə alınmaqla, hakimlər tərəfindən adekvat cəza kimi qiymətləndirilib.
Hakimlər ilk dairədə rusiyalı Sergey Sirotkin, Fernando Alonso və alman Niko Hyulkenberq (“Renault”) arasında baş vermiş insidentə də yenidən baxmaqdan imtina ediblər. Onlar bunu “Williams”ın göstərilən vəziyyətlə bağlı reqlamentdə ayrılmış müddətdə etiraz etməməsi ilə əlaqələndiriblər.
Bölmənin digər xəbərləri
