Henokoda işlərin dayandırılmasını tələb edən petisiyanı 100 mindən çox insan imzalayıb
Tokio, 20 dekabr, AZƏRTAC
Dekabrın 19-na olan məlumata görə, Ağ evdən Yaponiyanın cənub-şərqində yerləşən Okinava prefekturasının Henoko sahil rayonunda torpaqtökmə işlərinin dayandırılmasını tələb edən petisiyanı 100 mindən çox insan imzalayıb.
AZƏRTAC NHK telekanalına istinadla xəbər verir ki, əcdadları Okinavada yaşamış ABŞ sakini fevralda keçiriləcək referenduma qədər torpaqtökmə işlərinin dayandırılması ilə bağlı dekabrın 8-də petisiya üçün imzatoplama kampaniyasına başlayıb. Referendum ABŞ-ın Henoko bazasının inşası üçün torpaqtökmə işlərinin dayandırılması və ya davam etdirilməsi barədə suala aydınlıq gətirməlidir.
ABŞ hökuməti petisiyanı Ağ evin veb-saytında qəbul edir. Əgər petisiya 30 gün ərzində 100 mindən çox imza toplayarsa, bu zaman Ağ ev məsələ ilə bağlı rəsmi cavab verməlidir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
