HEYDƏR ƏLİYEV ADINA PROSPEKT YENİ GÖRKƏM ALIR
AZƏRTAC-ın müxbiri xəbər verir ki, Sumqayıtda Heydər Əliyev adına prospektdə abadlıq işləri davam etdirilir. Burada təmir işləri yüksək sürətlə gedir. Prospektə təzə asfalt döşənir, səkilər abadlaşdırılır, yeni işıq dirəkləri qoyulur. Təmir işlərinin sürətlə və yeni texnologiya əsasında aparılması üçün buraya xüsusi avtomaşınlar və avadanlıq gətirilmişdir.
Sülh prospektində də əsaslı təmir işləri aparılır. Son bir il ərzində şəhərdə 250 min kvadratmetr sahəyə asfalt döşənmiş, ondan çox küçə və prospekt abadlaşdırılmışdır.
