Heydər Əliyev Beynəlxalq Aeroportunda yanvar üzrə ən punktual aviaşirkətlər açıqlanıb
Bakı, 7 fevral, AZƏRTAC
Heydər Əliyev Beynəlxalq Aeroportu 2020-ci ilin yanvar ayı üçün ən punktual aviaşirkətlərin reytinqini tərtib edib.
Aeroportun mətbuat xidmətindən AZƏRTAC-a bildirilib ki, yanvar ayı ərzində Bakıdan yola düşərkən “China Southern” (Çin) və “Ural Hava Yolları” (Rusiya) 100 faiz punktuallıq göstəriblər.
“Aeroflot”, “Etihad Airways” və “Turkish Airlines” aviaşirkətləri planlaşdırılmış uçuşların ən azı 90 faizini cədvələ uyğun yerinə yetiriblər. “Kuwait Airways” (88,9 faiz), “UIA” (88,2 faiz), “Nordwind” (87,5 faiz) və “Iraqi Airways” (85,7 faiz) aviaşirkətləri, həmçinin yüksək nəticələr göstəriblər.
Ümumilikdə isə, bu ilin yanvar ayı ərzində uçuşların 71 faizi planlaşdırılmış cədvələ uyğun və ya cədvəldən 15 dəqiqədən artıq olmayan gecikmə ilə yerinə yetirilib.
Qeyd edək ki, ümumilikdə 2020-ci il ərzində Heydər Əliyev Beynəlxalq Aeroportu 60-dan çox müxtəlif istiqamət üzrə uçuşlar həyata keçirmiş 32 sərnişin aviaşirkətinə xidmət göstərib.
Heydər Əliyev Beynəlxalq Aeroportu sərnişin və yük daşımalarının həcminə, aerovağzal kompleksinin sahəsinə və yük terminalının buraxılış gücünə görə Azərbaycanın və regionun ən böyük aeroportudur.
Bölmənin digər xəbərləri
