Heydər Əliyevin Azərbaycanın siyasi hakimiyyətinə qayıdışı zamanın və xalqın tələbi idi
Bakı, 12 may (AZƏRTAC). Heydər Əliyevin Azərbaycanın siyasi hakimiyyətinə qayıdışı zamanın və xalqın tələbi idi.
AZƏRTAC xəbər verir ki, bunu mayın 10-da Prezident İlham Əliyev ulu öndər Heydər Əliyevin anadan olmasının 88-ci ildönümü və Heydər Əliyev Fondunun fəaliyyətə başlamasının 7 illiyi münasibətilə keçirilmiş təntənəli mərasimdə demişdir.
O vaxt Azərbaycanda vətəndaş müharibəsinin başlandığını vurğulayan dövlətimizin başçısı bildirmişdir ki, ölkədə xaos, anarxiya, böhran hökm sürürdü. İqtisadi və siyasi böhran ölkəmizin gələcək müstəqil həyatını sual altına qoymuşdu. Xalqın tələbi ilə Heydər Əliyevin Azərbaycan rəhbərliyinə qayıdışından sonra bütün xoşagəlməz halların qarşısı alındı, bütün qanunsuz silahlı birləşmələr tərk-silah edildi, sabitlik yarandı və Azərbaycan inkişaf etməyə başladı. Əgər o vaxt Heydər Əliyev qətiyyəti, cəsarəti və siyasi nüfuzu olmasaydı, müstəqilliyimiz əldən gedə bilərdi.
Bölmənin digər xəbərləri
